MEDICAL AND DENTAL MISSION IN CAGSIAY III (A MONTHLY BARANGAY PROGRAM)

Ginanap noong Hulyo 21,2011 ang libreng gamutan sa Barangay Cagsiay III bilang bahagi ng
buwanang programang pang-Barangay sa Bayan ng Mauban. Ang Medical Team ay pumunta roon sa
pangunguna ng butihing Punongbayan na si Mayor Dingdong Q. Llamas. Kasama niyang nagtungo
roon sina G. Marconi Calong, ang Municipal Administrator, Konsehal Marivel Trinidad,
Konsehal Dante Almacen, Southern Luzon Command o Sol Com, Dr. June Camitan, Dr. Ronald Mararac
at iba pang mga kawani na nagmula sa iba’t-ibang departamento ng pamahalaang local tulad ng
Department of Agriculture, MENRO, at Dept. of Health. Ang Quezon Power Philippines Limited Co.
at Miescor ay nagbigay rin ng suporta sa nasabing gamutan.Bukod sa libreng konsultasyon at
gamutan, isinagawa rin doon ang libreng pagpapabunot ng mga ngipin, libreng gupit ng buhok at
pamamahagi ng mga libreng pagkain, bigas, goods, salamin sa mata, tsinelas at mga pananim at
pataba sa lupa. Nasa 153 ang nabunutan ng ngipin at 249 ang nagpakunsulta. Isinagawa rin ang
libreng rehistro para sa mga katutubo at residente roon na wala pang Birth Certificate.
Nagpapasalamat ang mga katutubo at residente ng Cagsiay III kay Mayor Dingdong Q. Llamas at
sa iba pang kasama dahil naisagawa ang Medical and Dental Mission sa kanilang lugar kahit malayo
ito sa kabayanan. Natutuwa sila at may ganitong programa an gating butihing Punong Bayan
Mayor Dingdong Q. Llamas at umaasa silang muling mabibiyayaan sa mga susunod pang pagkakataon.

MGA KABATAANG KATUTUBO, SUMALI SA STREETDANCING
MAUBANOG FESTIVAL

Sa kauna-unahang pagkakataon ay sumali ang mga kabataang katutubo mula sa Sitio Dakil,
Brgy. Cagsiay III sa Pambayang Paligsahang Streetdancing bilang bahagi ng pagdiriwang ng
Maubanog Festival 2011. Ang paligsahan ay ginanap noong Hulyo 11, 2011 sa harapan ng
Grandstand ng Mauban South Central School kung saan 10 Grupo ng mga kabataan, mag-aaral
man o hindi, ang mga naging kalahok.Ang mga Kabataang katutubo na lumahok ay binubuo ng
25 kabataan mula edad 9 hanggang 20.Sa pamamagitan ni G. Jack Paway ng Media Bureau ng
Mayor's Office ay nabigyan sila ng pagkakataon maiuwi sa bayan ng Mauban upang sumali
sa nasabing paligsahang Streetdancing. Silang mga kabataang katutubo ng Streetdancing
ang kaunahang dumating sa Grandstand noong alas-kwatro ng umaga para sa coverage ni
Winnie Cordero ng Umagang Kay Ganda ng channel 2 para sa Maubanong Festival.
Nagpapasalamat ang mga kabataang katutubo sa butihing Mayor Dingdong Q. Llamas sa
kanyang suporta sa mga kabataan at pati na rin sa Dept. of Tourism, DSWD, sa Kapitan
ng kanilang Barangay na si G. Alex Benavidez, at sa Larry and Vicka Consegnacion ng
Barangay Daungan na nag-sponsor ng isda para sa mga kabataang katutubo.

                BUWAN NG KABABAIHAN

    Ginanap ang parada ng mga kababaihan sa bayan ng Mauban noong ika-7
ng Marso, 2011 kaugnay ng okasyong buwan ng kababaihan na may temang "BABAENG
QUEZONIAN: KATUWANG NATIN SA PAG-UNLAD NG LALAWIGAN. Ang pagdiriwang ay nagsimula
noong Marso 5 hanggang Marso 11. Pinangungunahan ni Mayora Marita Llamas, Sanguniang
Bayan at mga Kawani ng Pamahalaan ang nasabing parada. Ang Lyre Band ng Mauban North
District ang naatasang manguna sa parada.

    Matapos ang parada ay ginanap ang maikling palatuntunan sa harapan ng Muni-
sipyo. Nagbigay ng Mensahe si Mayor Dingdong Q. Llamas sa mga kababaihan at ipinahayag
niya ang kanyang suporta sa mga ito.    
    
    Pagkatapos ng palatuntunan ay nagpatuloy sa Mauban Gymnasium ang mga kababaihan
kung saan isinagawa ang maikling seminar ukol sa pagsugpo at pangangalaga ng mga Kaba-
baihan laban sa sakit na Kanser. Si Dra. Llave ng Philippine General Hospital (PGH) ang
nagsilbing panauhin tagapag salita noong hapong iyon.

    Naging kapaki-pakinabang para sa mga nagsidalo at nakinig ang ginanap na
pagdiriwang ng buwan ng Kababaihan.